Antología de cuentos/Cuentos en k'iche'/Ri Paxkwal

Ub’antajik tzij

Pa jun komon ub’i Tukan Che’ (Palomora) re tinimit Trix Xe’k’ul re Chwimiq’ena’, kariqitaj jun nitz’, nitz’ achi’ ub’i Paxkwal, wa we jun laj nitz’ achi, kareqaj jun uk’o’x, rech k’olib’al utzam.

Are wa ri nitz’ achi kawakat cho taq le panib’al, katzijoxik chi are taq keb’e le achijab’ pa taq kichak, te kuri’ kixoqilal kekanaj kan kitukel cho taq kachoch, xane’ kuriqa nik’aj q’ij kopan le laj chi, che kib’ochixik, xopan ruk’ jun ixoq ub’i Xper, are chi’ tajin kake’nik chi uwach ri uka’, tajin kucha’q ri uq’or, k’ate xrilo, xok bi’ ruk’; jun laj achi, tek’uri’ xtijon ruk’: la at k’olik ali xcha’ che…

-Are xuta’ xch’ab’exik, sib’alaj xumayo xuxij rib’.

-Jacha’ ali jas tajin kab’ano’, la kawaj katk’uli’ wuk’ xcha’ che.

- Mmm, xcha’ le ali Xper are chi’ xuta’ xch’aw le alaj achi che.

Xuchomaj na, te k’u ri’ xub’ij che: chana’mpe’ ri’ upatza’m man kat naw ta che usu’ik, k’a te k’u ri’ kawaj katk’uli wuk’. Xa man katchoman taj, are xu xuta’ ri alaj achi xsach uwach.

Tek’uri’ xutzijoj chike konojel le alab’om, achijab’, xekitzukuj, necher xsach uwach pa jun nimalaj k’achelaj, rumal la’ xub’iyal le juyub’ chi Paxkwal.

Sebastian Crisotomo Mejia Paxtor
San Andrés Xecul, Totonicapán audio=http://www.usaidlea.org/images/Kiche_12_-_Ri_Paxkwal.mp3