Jun xjal miẍti’ tpwaq
Chitzan qa b’aj jun maj. Xi’ jun xjal mixti’ tpwaq tib’aj Chman Witz[1] Xi’ tiqin twa, tk’wa’ ex ttxo’w. Mixti’ tajtaq tu’n tik’ wa’yaj ex che’w ti’j. Xi’ q’uma’n te qa ilxix ti’j tu’n tok tka’yin ti’b’. Tu’n tpaj atitaq jun t-xim.
Ok tb’i’n qa attaq jun ab’j toj tniky’aj[2]Chman Witz. Chitzan qe’ ta’ẍ qa nimx toklen ab’j lu. At pwaq nkanet antza. Aju pwaq nkyej kyq’o’n ajb’etil xjal. Aqe nche’x qanil tb’anil chwinqil te Chman Witz. Tej tkanin yaj xjal, kub’ tka’yin nimxix pwaq at. Tkub’ tib’aj ab’j. B’e’x ttzaj tiqin tja.
Tej tiky’x kab’e ab’q’i, b’e’x tzaj tyab’ yaj xjal. Ch’ixma kyimi. Xi tq’uma’n te jun ajq’ij ti’ otaq b’aj ti’j. Tzaj q’uma’n te qa atitaq tu’n tkub’ jun tchoj. Tu’n tel il ti’j.
Kub’ tb’inchan xjal tchoj. B’e’x el b’ant.
Tzaj q’uma’n te qa mya’ b’a’n tu’n ttzaj iq’it pwaq antza.
Comitancillo, San Marcos
